أمبي اسوي ..... و اسوي ..... و امبي اروح شهر العسل بعد .... هذي شروط !!

[طوق الياسمين]

حدد موعد المقابلة وهو مستانس مسكين
و دخل و بدت المقابلة بتعارف
و بعد التعارف
البنت:: بصراحة أني امبي اسوي لي حفلة عقد في الصالة (الفلانيه)
و امبي اسوي الحنة في ماتم ديرتنا على الاقل
و الحفلة في الصالة (الفلآنية)
و امبي بعد في العرس اسوي حفلة و يوم للمبارك اغذي الناس بعد
و اهم شي ارووح شهر العسل
الصبي و هو يفتح زرار قميصة و العرق يصب و قول في خاطرة::
شكلها تحسبني الوليد ابن الطلال
هذي و لا عشرة قروض تلبي طلباتها
هذا وجهي اذا تزوجت بهذي الطلبات





xxx xxx xxx xxx





و هذي و غير انهي تبي تكمل دراستها
و تبي شقة كبيرة و بأثاثها الكامل
قالت شقة لانها تدري ان مستحيل تحصل واحد عنده بيت
و الاخس من جذي ساعات اكون بينهم علاقة حب ..
و هو مسكين معاشو ما يتجاوز 200






انتَ كشــآب
شنو ردت فعلك تجاه هالموقف ؟؟



و انتِ كشابة ..
هل ستكونين كتلك الفتاة ؟؟


اتمنى اني اشوف ردودكم..
تحياتي..طوق الياسمين

[السندي]

اشووه الحمد الله تزوجت من زمان و عندي اولاد

بس الا اشوفه هالايام كل بنيه تتطيلب ما بقول الكل اغلبهم

ما اقول الا الله يساعد الشباب على مصاريف الزواج

مشكورة اختي ع الموضوع
تقبلي مروري

[ẦḾỚỜŔẤ]

لا أكيد ما راح أكون نفسها

شنو هالطلبات التعجيزية الي ما يقدر يسويها الا مليونير ؟؟

الي بتطلب تطلب المستطاع عشان تتنفذ طلباتها

واذا كان عن حب فهي أكيد ما تحبه لأن لو تحبه ما صعبت عليه المهمة لهذي الدرجة

تسلمين حبيبتي طوق على الموضوع الرائع

يعطيج ربي الف عافية

[طوق الياسمين]

صح كلامج امورة لو تبغيه ما تتطلب هالطلبات التعجيزية و بعد ما اقول ما تتطلب شي بس تطلب اشياء محدودة و بسيطة طلبات مقدور عليها يعني .

السندي & أمورة

يسلموو ع المرور

ربي ما ننحرم منكم و من مروركم

نورتون الموضوع

[«•»{{ Secrets }}«•»]

ههههههههه
بالنسبه لي ببتسم في وجها و بقولها وين الباب عشان اطلع

الله يستر شنو بيكون نصيبي ههههههه

شـكــ وبارك الله فيك ـــرا لك ... لك مني أجمل تحية .

[طوق الياسمين]

ههههههه احسن شي بتسويه بتخليها ادلك الباب

مشكور اخووي ع المرور

ربي ما ننحرم منك و من مرورك

نورتنا

[قمرهم كلهم]

لااكيد ماراح اكون زيها بس الواحد لاز ما يفكر في الزواج الى ويتحمل الي بيجيه .,.,.,
من الي اختارها شريكه لحياته.,.,.,
ولازم الوحده تراعي ضروفه.,.,.وماراح تراعيه الى الي تبي مصلحه حياتها وحيات غيرها.,.,.,
مشكوره خيتو على الموضوع .,.,. تقبلي مروري.,.,.

[دَفَء طَفوُلَيَ]

صبَـأحَ الخيَـرَ . .

أنَـيَ عَـنَ نفسَـيَ مـَآيعجبَـنيَ جـَذيَ وُمستحيَـل أكَـوُن جـَذي . . إذا لصبَـي ع قَـدَ حـَآله المفَـروُضَ أرآعَـيَ ظَـروُفَـهَ وُأسَـوُي شَـيَ بحَـدوُد الميَـزآنيَـه . .
أمَـآ إذآ كَـآنَ لصبَـيَ يقَـدرَ بتشرطَ بَـسَ بعَـد بحَـدوُد . . أصـَلآآ وُيَـن بلآقَـيَ صبَـيَ معَـآشَـه فَـوُق 200 فَـيَ البحريَـنَ وُإذآ فيَـه فهُم ينعَـدوُن ع الأصَـآبع . .
السَـآلفَـة مَـوُسَـآلفة شيَ بخَـَآطريَ وُلازم أسَـوُيه السَـآلفة سَـآلفة مرآعهـَآآ وُتقَـديرَ للظَـروُف إذا مآرآعيَـتهَ مَـنَ البدآيَـه فمَـآ أصلَـحَ أكَـوُن زوُجَـه لَـهَ . .

تشكَريَـنَ عَـزيَـزتيَ ع الطَـرحَ . .
يعطيَـجَ العَـوُآفَـيَ ^ ^ . .

[شقوانة]

وجهة نظري كشابة اذا احين جو بيخطبوني برفض اول شي بكمل مدرسة واذا ياني واحد ثاني بالجامعة راح ارفضه بحل مشكلة الزواج لين اشتغل ومابيهمني غير الشقة وان الريال مافيه يمين يسار وان قابل بشغل المرأة ويكون يشتغل ويعرف يربي الولاد مو يدلعهم يطلعون مثل اولاد اختي قلة ادب

تسلمي ع الطرح الرائع والمتميز تحياتي شقوانة

[عبدالله الحيدري]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
والله انا عن نفسي مابروح اخطب ال اذا كنت عارف البنت من اهلها لانه البنت تنعرف من اهلها ويش طلباتها
وشكرن اختي طوق الياسمين

[لولا]

موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية .